I. RUGĂCIUNEA - UN DIALOG PERSONAL CU DUMNEZEU

PRECES MATUTINAE - III

H. Deus, Deus meus, ad te de luce vigilo.
O. Benedicta sit sancta et individua Trinitas, nunc et semper et per infinita saecula saeculorum. Amen.
Gloria Patri qui creavit me, gloria Filio qui redemit me, gloria Spiritui Sancto qui sanctificavit me.
Redde mihi, Pater AEterne, et conserva me in vestem innocentiae, quam in baptismate recepi ne paradiso caelesti excludar.
Indue me, Iesu Christe, Rex gloriae, fragantibus virtutum tuarum vestimentis, humilitatis, scillicet patientiae, caritatis et castitatis, ut Patris caelestis optineam benedictionem.
Orna me, Spiritus Sancte, toga polymita donoum tuorum, ut in oculis tuis gratiam inveniam.

H. Firmiter credo et profiteor
O. Te unum Deum in Trinitate, Patrem, Filium et Spiritum Sanctum, remuneratorem bonorum et vindicem malorum; Unigenitum Dei Filium hominem factum atque in cruce mortuum, ut nos a peccatis redimeret et sempiternam vitam in beata Dei visione gratiasque necessarias conciliaret; credo quidquid Christus docuit, apostoli praedicarunt et sancta Romana Ecclesia credendum propronit; quia te, Domine, revelasti veritas aeterna et infallibilis, atque in hac fide et pro hac fide vivere et mori volo et statuo.

H. Spero in te et a te, mi Deus, gratiam, gloriam et omnia salutis media;
O. Potes enim dare, quia omnipotens es; vis etiam, quia infinite misericors es; dabis autem quia sicut de promissis tuis ita etiam de fidelitate tua aeterna persuasum mihi est.

H. O mi Deus,
O. amo te, quia amasti me; sed vel ideo potissimum super omnia amo te, et proximum quemvis propter te, quia tu, summum unicum et infinitum bonum, omni amore es dignissimus.

H. Amatissime Pater,
O. de omnibus peccatis meis doleo ex toto corde meo, quia te, Deum meum summum, infinitum bonum, quem supra omnia amo, iis tam turpiter offendi:
"Ingemisco tamquam reus culpa rubet
vultus meus, supplicanti parce Deus!"

H. O mi Deus, spes, desiderium, amor!
O. ameris, glorificeris ab omnibus, in omnibus, super omnia, in aeternum. Adoro et veneror te, o Sanctissima Trinitas! Te glorifico, laudo, benedico ac me ante thronum maiestatis tuae humilime prosterno.
Quam bonus hucusque erga me fuisti! Tibi gratias ago pro universis beneficiis tuis ac praesertim quod me hac nocte custodieris et conservaveris. Quot eheu, hac nocte e cubili suo, ad tuum tribunal indeque ad inferos rapti sunt!

H. Domine Iesu Christe,
O. in unione illius divinae intentionis qua ipse in terris per sacratissimum cor tuum laudes Deo persolvisti, et nunc continentur in Eucharistiae sacramento ubique terrarum persolvis usque ad consummationem saeculi, ego per hanc diem integram, nulla, nec minima parte excepta, ad imitationem sacratissimi cordis Beatae Mariae, semper Virginis Immaculate, tibi libentissime offero omnes meas intentiones et cogitationes, omnes meos affectus et desideria, omnia mea opera et verba.

H. Ecce, mi amatissime Iesu,
O. te aspirante firmiter statuo,
ardenti corde viam mandatorum tuorum currere, probi sacerdotis partes explere, comsuenta pietatis officia devote obire, virtutem et praesertim puritatem, securi universa denique et singula in nomine tuo facere et pati.
"Utinam dirigentur viae meae
ad custodiendas iustificationes tuas!"

H. O mi Deus, quem amo super omnia,
O. da mihi, servo tuo, cor docile, ut tuam voluntatem hodie in omnibus fideliter impleam; protege me, amatissime Pater, et custodi me ab omni peccato. Malo mori, quam peccatum iterum commitere.
Te, precor, in tot periculis vacillantem praesens robora, qui spopondisti:
"Super aspidem et basiliscum ambulabis, et conculcabis leonem et draconem."

H. Actiones nostras, quaesumus, Domine,
O. aspirando praeveni et adiuvando prosequere, ut cuncta nostra oratio et operatio a te semper incipiat et per te coepta finiatur.

H. O Domina mea, sancta Maria,
O. me in tuam benedictam fidem ac singularem custodiam et in sinum misericordiae tuae hodie et quotidie et in hora exitus mei animam meam et corpus meum tibi commendo.
Omnem spem et consolationem meam, omnes angustias et miserias meas, vitam et finem vitae meae tibi committo, ut per tuam sanctissimam intercessionem et per merita tua omnia mea dirigantur et disponantur opera secundum tuam tuique Filii voluntatem. Amen.

H. Adeste mihi, o beatorum spiritum agmina,
O. praesertim vos, patroni mei, piis precibus vestris ac meritis servate me a malis et adiuvate in omnibus bonis. Amen.

H. Angelus Domini nuntiavit Mariae.
O. Et concepit de Spiritu Sancto.
Ave Maria...
H. Ecce ancilla Domini!
O. Fiat mihi secundum verbum tuum!
Ave Maria...
H. Et verbum caro factum est.
O. Et habitavit in nobis.
Ave Maria...
H. Ora pro nobis sancta Dei Genitrix
O. Ut digni efficiamur promissionibus Christi.
Oremus:
Gratiam tuam quaesumus, Domine, mentibus nostris infunde, ut qui, angelo nuntiante, Christi Filii tui incarnationem cognovimus, per passionem eius et crucem, ad resurrectionis gloriam perducamur. Per eundem Christum Dominum nostrum. Amen.

(vel in tempore paschali)

H. Regina caeli, laetare, alleluia.
O. Quia quem meruisti portare, alleluia.
H. Resurrexit sicut dixit, alleluia.
O. Ora pro nobis Deum, alleluia.

H. Gaude et laetare, Virgo Maria, alleluia.
O. Quia surrexit Dominus vere, alleluia.
Oremus:
Deus, qui per resurrectionem Filii tui Domini nostri Iesu Christi, mundum laetificare dignatus es, praesta quaesumus, ut per eius Genitricem Virginem Mariam, perpetuae capiamus gaudia vitae. Per eundem Christum Dominum nostrum. Amen.