VI. MARIA ESTE MAMA NOASTRĂ

ROSARIUM

In nomine Patris et Filii et Spiritus Sancti. Amen.

Credo in unum Deum, Patrem omnipotentem, Creatorem caeli et terrae. Et in Iesum Christum, Filium eius unicum, Dominum nostrum; qui conceptus est de Spiritu Sancto, natus ex Maria Virgine; passus sub Pontio Pilato, crucifixus, mortuus et sepultus; descendit ad inferos; tertia die resurrexit a mortuis; ascendit ad caelos; sedet ad dexteram Dei Patris omnipotentis; inde venturus est iudicare vivos et mortuos.
Credo in Spiritum Sanctum, sanctam Ecclesiam Catholicam, sanctorum comunionem, remissionem peccatorum, carnis resurrectionem, vitam aeternam. Amen.

O Iesu, dimitte nobis peccata, fac nos ignem inferni effugere, et perduc in caelum omnes animas, praesertim eas quae magis auxilio tuo indigent.

Rosarium gaudiosum (feria II et V)

Credo... Pater noster... 3 Ave Maria...

1. qui adaugeat in nobis fidem.
2. qui corroboret in nobis spem.
3. qui perficiat in nobis caritatem.

Gloria Patri...

1. Primum mysterium: Maria Virgo ab angelo salutatur.
2. Secundum mysterium: Maria Virgo Elisabeth visitat.
3. Tertium mysterium: Iesus Christus in Bethleem nascitur.
4. Quartum mysterium: Iesus infans in templo praesentatur.
5. Quintum mysterium: Iesus puer in templo invenitur.

Rosarium dolorosum (feria III et VI)

1. qui intellectum nostrum illuminet.
2. qui voluntatem nostram perficiat.
3. qui memoriam nostram roboret.

1. Primum mysterium: Iesus in Ghethsemani orat.
2. Secundum mysterium: Iesus flagelis caeditur.
3. Tertium mysterium: Iesus spinis coronatur.
4. Quartum mysterium: Iesus Calvarii locum adit.
5. Quintum mysterium: Iesus in cruce moritur.

Rosarium gloriosum (feria IV, sabato et domenica)

1. qui cogitationes dirigat.
2. qui verba moderetur.
3. qui gubernet opera.

1. Primum mysterium: Iesus a mortuis resurgit.
2. Secundum mysterium: Iesus caelos ascendit.
3. Tertium mysterium: Spiritus Paraclitus super discipulos descendit.
4. Quartum mysterium: Maria Virgo in caelum asumitur.
5. Quintum mysterium: Maria Virgo regina coronatur.

Salve Regina, mater misericordiae, vita, dulcedo et spes nostra, salve, ad te clamamus, exules filii Hevae, ad te suspiramus, gementes et flentes in hac lacrimarum valle.
Eia ergo, advocata nostra, illos tuos misericordes oculos ad nos converte. Et Iesum, benedictum fructum ventris tui, nobis post hoc exilium ostende. O clemens, o pia, o dulcis Virgo Maria!

V. Ora pro nobis regina sacratissimi Rosarii.
R. Ut digni efficiamur promissionibus Christi.

Oremus:
Deus cuius Unigenitus per vitam, mortem et resurrectionem suam nobis salutis aeternae praemia comparavit, concede, quaesumus, ut haec mysteria Sacratissimo Beatae Mariae Virginis Rosario recolentes et immitemur quod continent et quod promittunt, assequamur.
Defende, quaesumus, Domine, Beata Maria semper Virgine intercedente, istam ab omni adversitate civitatem et familiam et toto corde tibi prostratam ab hostium propitius tuere clementer insidiis. Per Christum Dominum nostrum. Amen.

Litaniae Lauretanae